የማሪያ ወጀብ ! በደቡባዊ እና ማእከላዊ አሜሪካ

ካሳሁን መብራቱ - ለአዲስነገር ከዋሽንግተን ዲሲ

በእንስት ስም የምትጠራው የማሪያ ወጀብ የፓርቶሪኮንና የዶሚኒካን ሀገራትን ቶሎ እንዳያገግሙ አድርጋ አፈራርሳቸዋለች ተብላለች፡፡ ዝናብን ከፈጣን አውሎ ንፋስ ጋር ቀላቅላ ምድሪቱን ያጥለቀለቀችው የማሪያ ወጀብ ትላልቅ ህንፃዎች በመጉዳት አስፋልቶች አፈራርሳለች በተለይ Porto rico በተባለች የዴሴት ሀገር ላይ የከፋ ጉዳት አድርሳ ህይወት ነጥቃለች፡፡ በሀገሪቱ ውስጥ ተቋቁሞ ለህዝቦቹ የኤሌክትሪከ አገልግሎት የሚሰጠው ብቸኛው የመብራት ማከፋፈያ ማእከሏ ሙሉ በሙሉ በመውደሙ ለማደስና ዳግም ብርሃን ለመርጨት ቢያንስ ከ4-6 ወራት ይፈጃል ተብሏል፡፡

ታዲያ በዚህ ጊዜ የፖርቶሪኮ ነዋሪዎች ብርሃን የላችሁምና ሳታማርሩ በትእግስት ጠብቁኝ ሲል መንግስት ጠይቋል፡፡

በዘመናዊ መንገድ ታበስሉ የነበራችሁ ነዋሪዎቼም ባህላዊውን ከሰልና ማገዶ ተጠቅማችሁ ህይወታችሁን አቆዩ ሲልም የኤሌክትሪክ ጉዳይ በቀላሉና በአጭር ጊዜ እንደማይፈታ አስታውቋል፡፡

በአሁኑ ሰአትም ከሀገሪቱ አየር ማረፊያ በቀር ሌላው ጨለማ እንደለበሰ ይገኛል፡፡ ከሳምንታት በፊትም ወደ ሌላ ቦታ በረራ ለማድረግ ትኬት የገዛችሁ የአየር መንገዱ ደንበኞች ከመሄዳችሁ በፊት ቀድማችሁ ደውላችሁ አረጋግጡ ተብለዋል፡፡

ታዲያ መጪው ወራት ብርድ እየሆነ ፤ ሙቀት እየራቀ ስለሚሄድ ለሙቀት ማመንጫ የኤሌክትሪክ ሃይል ስለማይኖር ብዙዎች ለህምም ጥቂቶች ደግሞ ለሞት መዳረጋቸው አይቀሬ እንደሆነ ተገምቷል፡፡

ይህችው የማሪያ ወጀብ በዩኤስ ቨርጂንያ ደሴቶች ላይም ተመሳሳይ የውሃ ጥፋት በማድርሷ ዜጎች ከቤት አትውጡ የአደጋ ሰራተኞች የጠፋባችሁን ዘመዶች ከቻሉ በህይወት ካልሆነ ግን አስክሬናቸውን ያመጡላችኋል ሲሉ የደሴቶቹ ገዢ አዋጅ አስነግረዋል፡፡

እስካሁን ከ20 በላይ ሰዎች የማሪያ ወጀብ በደቆስቻቸው አገራት ሞተዋል፡፡